ڪتاب
شهيد ثالث ڪتاب
شهيد ثالث (ڪتاب): هن ڪتاب جو مصنف مولوي مرزا محمد هادي عزيز لکنوي آهي. هي ڪتاب شهيد ثالث قاضي سيد نورالله الحسيني الشوستري جي سوانح حيات تي مشتمل آهي. ڪتاب ۾ مصنف شهيد ثالث جي حسب نسب، ولادت، تحصيل علوم، هندستان ۾ اچڻ، معاصرين ۽ مؤرخن جي راءِ، قاضي القضاة جي عهدي بابت، شهادت، مرقد جي تعمير ۽ ان تي لکائي، تصنيفون، اولاد، مختلف تصنيفن جي اقتباس بابت تفصيلي ڄاڻ کان سواءِ آخر ۾ قاضي نورالله جي شان ۾ طويل قصيدا پڻ ڏنا آهن. ڪتاب ۾ تصويرون به شامل آهن. ڪرائون سائيز ۾ 83 صفحن تي مشتمل هي ڪتاب منشي نول ڪشور، لکنؤ طرفان 1916ع ۾ شايع ٿيو، جنهن جي ڪابه قيمت ڄاڻايل نه آهي